తీగనై మల్లెలు పూచినా వేళ
ఆగనా అల్లన పూజకో మాల
మనసు తెర తీచినా మొహమాటమేన
మమత కలబోసినా మాట కరువేన
తీగనై మల్లెలు పూచినా వేళ
ఆగనా అల్లన పూజకో మాల

తెలిసీ తెలియందా
ఇది తెలియక జరిగిందా
ఎపుడో జరిగిందా
అది ఇపుడే తెలిసిందా
ఆశపడ్డా అందుతుందా
అర్హతైనా ఉందా
అందుకున్నా పొందికుందా
పొత్తు కుదిరేదా
ప్రేమకన్నా పాశముందా
పెంచుకుంటే దోషముందా
తెంచుకుంటే తీరుతుందా
పంచుకుంటే మరిచేదా

కలలో మెదిలిందా
ఇది కథలో చదివిందా
మెరుపై మెరిసిందా
అది వలపై కురిసిందా
రాసి ఉంటే తప్పుతుందా
తప్పు నీదవునా
మారమంటే మారుతుందా
మాసిపోతుందా
చేసుకున్నా పుణ్యముందా
చేరుకునే దారి ఉందా
చేదుకునే చేయి ఉందా
చేయి చేయి కలిపేనా

తీగనై మల్లెలు పూచినా వేళ
ఆగనా అల్లన పూజకో మాల
మనసు తెర తీచినా మొహమాటమేన
మమత కలబోసినా మాట కరువేన
తీగనై మల్లెలు పూచినా వేళ
ఆగనా అల్లన పూజకో మాల

***

చిత్రం : ఆరాధన
సంగీతం : ఇళయరాజా
వ్రాసిన వారు : వేటూరి
పాడిన వారు : S P బాలు, S జానకి

***

ఈ పాటని ఇక్కడ వినండి (చివరి పాట)
పూర్తిగా చదవండి