అప్పట్లొ అనగా ఎనభైలలొ అనుకుంటా ఈనాడు రెండవ పేజీ కింద కుడి మూల ఒక నెల రోజుల పాటు ఒక చక్కని కధ ప్రచురించబడేది. నేను చదివిన వాటిలొ తెనాలి రామలింగడు, భక్త తుకారాం, భక్త కన్నప్ప మొదలైనవి కొన్ని. కాని ఆ కధలు కొన్ని ఏళ్లు మాత్రమె ప్రచురించబడ్డాయి.

ఆప్పట్లొ పొద్దున్నె పేపరు అబ్బాయి వీధిలోంచి గుమ్మంలోకి పేపరు విసరగానె నేను మా అన్నయ్య ఆ కధ చదవటం కోసం ఒక్కొక్కప్పుడు ముష్టి యుధ్దాలు చేసుకునేవాళ్లం. ఆ రెండో పేజీ దక్కక పోతె, మొదటి పేజీ దక్కించుకొని తృప్తి పడేవాణ్ణి (ఎందుకంటె స్పోర్ట్స్, ఇదీ సంగతి, టూకీగా మొ.గు నవి దాని లొ నే కదా ఉండేవి).

ఆ కధలని కత్తిరించి మా నాన్నగారు పుస్తకంలా కుట్టేవారు, ఆ విధంగా సుమారు ఓ పది పోగు చేసాం. అలా పుస్తకాలంటె మా స్నేహితులకి బాగా క్రేజీ ఉండేది. ఈ సారి ఇండియా వెళ్లినపుడు మా ఇంటి అటకమీద, ప్రత్యేకంగా ఒక రోజు కేటాయించి వెతుకుదమని ఉంది. చూద్దాం ఎంతవరకూ నా ఈ ఆకాంక్ష నెరవేరుతుందొ.
పూర్తిగా చదవండి