( శివ పంచాక్షరీ మహిమ వర్ణనము )

ఓం నమః శివాయ ఓం నమః శివాయ |
పంచాక్షరి యిది పరమ పావనము || (పల్లవి)

పంచభూతములపై ఆధిపత్యమును - ప్రసాదించగల మహామంత్రము |
సుందర కవితా చాతుర్యరీతి - ననుగ్రహించెడి మహా మంత్రము ||

వేదాంత జలధి మధనామృతమగు - జ్ఞానమునిచ్చెడి మహామంత్రము |
సర్వ విక్షోభ ప్రశమన కరమై - మనశ్శాంతినిడు మహామంత్రము

అష్టసిద్ధులను అవలీలగాజేయు - శక్తినిచ్చెడి మహామంత్రము |
చక్రాలదాటి సహస్రారమున - శివునిఁ జేర్చెడి మహామంత్రము ||

ఆదిదేవుని అంఘ్రి పద్మముల - భక్తి నొసగెడి మహామంత్రము |
నిష్టానిశ్చల యమనియమాసన - ధ్యానయోగకర మహామంత్రము ||

సంసారవాసనా విషయధ్వంసక - కామదహనమీ మహామంత్రము |
అనన్యమద్భుత వైరాగ్యమిచ్చు - సర్వ పాపహర మహామంత్రము ||

Download this bhajan sung by Shri Dattaswami here
పూర్తిగా చదవండి