“మీడియా వార్” అంటూ, ’సాక్షి’ దినపత్రిక, ’ఈనాడు’ కొట్టెసుకుంటున్నాయని TV9 నిన్న రాత్రంతా చెవిలో ఇల్లు కట్టుకుని మరీ పోరేసింది. పత్రికావిలువలు, పాఠకుడి పట్ల నిబద్దత, పత్రికా స్వాతంత్ర్ర్యం మొదలగు విషయాల్ని గురించి మహామహుల్ని పిలిచి ఊదరగొట్టింపజేసారు. ఈ ప్రహసనం ఇలాసాగుతుండగా, ఇంకో ఛానల్లో ఈమధ్యనే ఫ్రెష్ గా ఫ్లాపైన సినిమాని బ్రహ్మాండమైన ఆదరణతో వందరోజులవైపు పరుగెడుతోందని నిరూపించే ప్రయత్నం నా కంటపడింది. అప్పుడనిపించింది, సినిమా ప్రేక్షకుడిపట్ల ఈ నిబద్దత ని సినిమాతీసేవాడితోపాటు, సినిమాతో అక్రమసంబంధం నెరుపుతున్న టి.వి. కూడా పాటించకపోగా, ఒక వెర్రివెంగళాయిని చేస్తున్నాయని. ఒక సినిమా ని గొప్పగా కాకపొయినా కనీసం సక్రమంగానైనా సమీక్షించే తెలుగు ఛానల్ ఒక్కట్టైనా ఉందా? అంటే సమాధానం శూన్యమనేచెప్పాలి.

ఈ స్థితిని,పరిస్తితిని గురించి ఒక చర్చ అవసరమని నా గట్టినమ్మకం. అందుకే నవతరంగం సాక్షిగా చర్చకు ఆహ్వానిస్తున్నాను. బ్లాగునిర్వాహకులు ఈ ప్రయత్నాన్ని స్వాగతిస్తారని భావిస్తున్నా. చర్చకు 15 రోజుల గడువు విధించుకుందాం. ఆ తదనంతరం, చర్చాఫలాన్ని కూర్చేబాధ్యతని నేను వహించగలవాడనని మనవి.


పూర్తిగా చదవండి