భజరే వీణా పాణిం - వాణీమలికుల వేణీమ్
ఏణీక్షణ సుమ బాణాం - శోణాధర కర కోణామ్ (పల్లవి)

కమలాసన ఘన కామాం - విధిరామా మభి రామామ్
శమదమ సుగుణ స్తోమాం - ఘుమ ఘుమ సౌరభ భామామ్

శరదమలా మజ లోలాం - సత్కవికుల నిజ బాలామ్
గలకలిత కమల మాలాం - సువిలసిత తిలక ఫాలామ్

హంసయాన చల దంసాం - హంస వాహనోత్తంసామ్
హంసీంద్యుతిజిత హంసాం - హంసక కలపిక హింసామ్

గద్యపద్య రసవిద్యాం - మద్య హృద్య మధు వాద్యామ్
ఆద్యాముద్యత్సద్యో - విద్యుద్ద్యుతి మనవద్యామ్

క్వణీత కచ్ఛపీం హస్తే - న్యస్త సుపుస్తక మాలామ్
ప్రశస్త మస్తాభ్యస్తాం - స్తుతిభిస్తతా మనస్తామ్

సంగీత మంగళాంగీం - శృంగార శృంగరంగామ్
భృంగాలక నవభంగీం - బ్రహ్మసంగ రసగంగామ్

ఇందిందిర చందనరుచి - కుందేందు మందహాసామ్
ఆనంద మరందాబ్ధిం - ఇందిరాస్నుషాం వందే

Download this bhajan sung by Shri Dattaswami here.

పూర్తిగా చదవండి