వెంకటేశ్వర వెంకటేశ్వర - వెంకటేశ్వర పాహిమాం |
వెంకటేశ్వర వెంకటేశ్వర - వెంకటేశ్వర రక్షమాం ||

1. సప్త శైల విభూషణం నవనీల మేఘ సమప్రభం |
ఊర్ద్వ పుండ్ర విలక్షణాంకిత ఫాలదేశ సముజ్జ్వలమ్ |
వామపార్శ్వ విలంబివ మౌక్తిక దామచారు కిరీటనం |
వెంకటేశ్వరమాశ్రయే మమ కింకరిష్యతి వైకలిః ||

2. అంసయోరు పరిస్ఫురద్ద్యుతి శంఖచక్ర సులక్షితం |
చక్రవాక సమాకృతి స్ఫుట కర్ణభూషణ శోభితమ్ |
స్వర్ణ వర్ణ ధగద్ధగద్యుతి నూతనాంబర విభ్రమం |
వెంకటేశ్వరమాశ్రయే మమ కింకరిష్యతి వైకలిః ||

3. చిత్రపుష్ప సరోల్లసత్తులసీ దళాత్మక మాలికం |
వజ్ర మౌక్తిక దామ సంభృత చిత్ర చిత్ర విభూషణమ్ |
శోణ పద్మవిశేష హార పరిష్కృతామల కంధరం |
వెంకటేశ్వరమాశ్రయే మమ కింకరిష్యతి వైకలిః ||

4. చూతపల్లవ కోమలాధర నర్తిత స్మిత సుందరం |
చందనాంకసముల్ల సచ్చుబు కాంతకాంతి విలక్షణమ్ |
ఉల్లసత్తిల పుష్ప సమ్మిత చారునాస మనోహరం |
వెంకటేశ్వరమాశ్రయే మమ కింకరిష్యతి వైకలిః ||

5. ధౌత దీధితి మీన యుగ్మకళా సత్తుల లోచనం
కామచాప యుగభ్రువోరతి సుందరాకృతి భాసురమ్ |
వామపాణి విలోల సౌరభ వర్షికోమల వారిజం |
వెంకటేశ్వరమాశ్రయే మమ కింకరిష్యతి వైకలిః ||

6. దక్షిణాది గుణాలయం శుభ సర్వ సద్గుణ సాగరం |
పాపకూప నిమగ్న జీవ సముద్ధరం ధరణీధవమ్ |
అంగుళీయక వజ్రధీధితి పాణినాஉభయదాయకం |
వెంకటేశ్వరమాశ్రయే మమ కింకరిష్యతి వైకలిః ||

7. సర్వ మంగళ దేవతారమయాల సద్గురు వక్షసం |
ఉజ్జ్వలాంగ సుదర్శ నాభిధచక్ర ఖండిత రాక్షసమ్ |
శంఖచక్ర గదాஉసిశార్ఙ్గ సమాఖ్య పంచ సమాయుధం |
వెంకటేశ్వరమాశ్రయే మమ కింకరిష్యతి వైకలిః ||

8. యఃపఠేదిద మద్భుతం స్తవముత్త మోత్తమ మాగమం |
సర్వ కష్ట విముక్తి మేతి సకృత్సుఖం లభతేనరః |
క్షీరసాగర శాయినం పర మాప్నుయాత్పర పూరుషం |
వెంకటేశ్వరమాశ్రయే మమ కింకరిష్యతి వైకలిః ||

పూర్తిగా చదవండి