Telugu Bloggers

ఫలార్హత విత్తనం నేలలో నాటగానే బాధ్యత తీరిపోయినట్లుగాదు బీజాన్ని పాతిపెట్టిన్నాటినుంచి ఫలసాయానికి అర్రులు సాచడం రాట్నానికి ఏకు ఎక్కించకుండా గాల్లోంచి నూలు తీయబూనడం గింజ నాటే ముందుగానే భూమిని మొలకకు సిద్ధం చేయాలి మొక్కకు అనువుగా పాదుచేయాలి సారవంతమైన మట్టిని ప్రోదిచేయాలి నీటితో నేలను పదును చేయాలి భూసారాన్ని పెంచడానికి అవసరమైతే ఎరువు వేయాలి.. శివుడికి అభిషేకం చేసినట్లు గింజను జలసేచనంతో చల్లబరచాలి తననుతాను రెండు చెక్కలుగా విస్ఫోటించుకొని మొక్కగా రూపొండి, గింజ తూర్పుకొండనుండి తొంగిచూచే తొలిపొద్దుపొడుపులా తలను పైకి నిక్కిస్తుంది.. ఆహ్వానించని అతిధిలా భావించి పశువులు దాన్ని మట్టుపెట్టకుండా కంచెకవచాన్ని తొడగాలి రక్షణగా నిలవాలి. మొక్క వృక్షమయ్యేంతవరకూ మెలకువతో కాపాదాలి.. తనకు చేసే శుశ్రూషలకు తృప్తిచెందిన చెట్టు పెరిగి పెద్దదై కృతజ్ఞతతో ఫలసాయాన్ని పంచి పెడుతుంది.. నిరంతరకృషి మాత్రమే ఫలనుభవానికి అర్హత చేకూరుస్తుంది -సి [...]
పూర్తిగా చదవండి

అవధాని ఎదలోని భావాల్ని ఎవరికీ చెప్పుకోవడం కుదరదు మధురోహాల మధుమాసాన్ని మనసైన వారితో ఆనందించడం వీలవదు ఒక అడుగు ముందుకేస్తే - రెండో అడుక్కు నిషేధం ఒక ముక్క మాట్లాడింతర్వాత - రెండోది మాట్లాడ్డానికి అనుజ్ఞ వుండదు అడుగడుక్కూ అడ్డంకి నిమిష నిమిషానికీ నిషిద్ధాక్షరి! ఇష్టమైన చోటికి పోయే వీలుండదు చెయ్యాలనుకొన్న దాన్ని చేయడానికి వీలుండదు ఇతరులేమిచేయమంటే అదే చేయ్యాలి ఎక్కడికి వెళ్ళమంటె అక్క్డికే వెళ్ళి రావాలి గుండెలుబికి వచ్చే కన్నిళ్ళు ఎన్ని బొట్లు రాలాలో ముందే నిర్ధేశం మామూలు సంభాషణల్లో ఎం మాట్లాడాలో కూడా ముందే నిర్ణయం పంజరంలోని చిలక పలికినట్లుగా నోట్లోంచి వచ్చేవన్నీ ఇతరులిచ్చిన దత్తపదులే ఇంట్లోంచి బయటకు వెడితే ఇకిలింపుల [...]
పూర్తిగా చదవండి

ప్రయోజనం దారికడ్డంగా వున్న రాయిని పక్కకు విసిరేసాను. ‘ఛీ’. పనికి మాలినది అంటూ. ‘మిత్రమా!’ నేనేమీ పనికిమాలినదాన్ని కాదు. నాలాంటి కొన్ని రాళ్ళను పోగుజేసి గోడను నిర్మించొచ్చు. మంచి పనివాడు నన్నో శిల్పంగా మలచవచ్చు. ఆ శిల్పాన్నే ఆలయంలో దేవుడిగా ప్రతిష్టించవచ్చు”, అంటూ చీవాట్లు పెట్టింది రాయి. నేను చొక్కా మీద దుమ్ము దులుపుకొని, “ఛీ! పనికిమాలిన దుమ్ము” అంటూ ముందుకు సాగబోయాను. “సోదరా! నేనూ పనికిమాలిన దాన్ని కాదు. నాలాంటి దుమ్మును మరికొంత పోగుచేసి ఎరువుగా వాడుకోవచ్చును. నీటితో పదును చేసి, సారెకెక్కించి, నన్ను కుండగా రూపొందించవచ్చు. ఆ కుండను చలివేంద్రలో వుంచి దాహార్తుల [...]
పూర్తిగా చదవండి

మృచ్ఛకటికం సందు మొదట్లో అతని బండి కన్పడగానే వీధి వీధంతా ఒకసారి మేల్కొంటుందిశ్వేతాశ్వాలను పూన్చిన రధంలొ పార్ధసారధి కూర్చున్నట్లు బండి ముందు సీటుపై కూర్చొని వచ్చే అతని కోసం ప్రతి మధ్యాన్నం ఇల్లాండ్లు ఎదురుచూస్తుంటారు. వంటింట్లోనూ, పెరట్లోనూ పని చేసుకుంటున్న ఇల్లాండ్లకు పాంచజన్య శంఖ ధ్వనిలా వినిపిస్తుంది అతని విజిల్ శబ్ధం. కార్యసాధనే కాని మాటల మాటెత్తని ఖర్మయోగిలా మౌనంగా ప్రతి ఇంటి ముందూ బండిని నిలిపి విజిలూత్తాడతను. ప్లాస్టిక్ సంచిల్లోనో, చెత్తబుట్టల్లోనో భద్రపరచిన పండ్ల తొక్కలనూ, కూరముక్కలనూ, కసుపునూ చిరునవ్వుతో              శకటాసురిడికి నైవేద్యం చేస్తారు గృహిణులు. ప్రతి ఇంటి కశ్మలాన్ని మోసుకుంటూ ముందుకు సాగిపోతాడతను. బండి [...]
పూర్తిగా చదవండి

స్ర్తీవాదం  “వివాహ రహిత సంబంధం వివాహత్పూర్వ సంబంధం వివాహేత సంబంధం స్వలింగ సంబంధం ఇంతేగదా స్ర్తీవాదమంటే-” వెక్కిరించింది మగపురుగు. “పైన చెప్పినవన్నీ మగవాడి విషయములో తప్పుకానప్పుడు స్త్రీ విషయంలో తప్పెలా ఔతుందని నిగ్గదీయడంరా స్త్రీవాదమంటే”- ధిక్కరించింది చలిపిడుగు. - సి. మనస్విని ( సిహెచ్.వి.బృందావన రావు) ప్రచురణ : పత్రిక (జూన్ ‘06)
పూర్తిగా చదవండి

కాసిని నానీలు ఇరవై నాలుగక్షరాల్లో ఇనరశ్మిని దట్టించు ‘నానీ’ ఐ పేల్తుంది ప్రియుడిపై తమకం / నఖక్షతాల్లో కనిపిస్తున్నది గోరింట బాగా పండింది కవిత్వం వాడికో ఆయుధం దానితోనే వాడు / జనాల ప్రాణాలు తీస్తుంటాడు బాలల ఉత్సవానికి / మంత్రి కోసం నిరీక్షణ ఎండలో శోషిల్లి బాలలు మొన్న ప్రేమగా చూసిన బాలుడు నేడు ఈర్ష్యగా చూస్తున్నాడు బాల్యం పోయింది నింగిమగ్గం ఆసులో / కండె-సూరీడు తూర్పూపడమరలకు తిరుగుతూ గాంధీ అంటే వాడికి ఇష్టం గాంధీ బొమ్మున్న నోట్ల కోసం ఏమైనా చేస్తాడు. - సి.హెచ్.వి. బృందావన రావు ప్రచురణ : పత్రిక (మార్చి ‘06)
పూర్తిగా చదవండి

హేమంత శిశిరాలు ఇది జ్ఞాపకాల హేమంతం చలి కౌగిలిని వదిలించుకోలేని నిస్తేజపు సూర్యుడిలా గడిచిపోయిన వసంతాల జ్ఞాపకాల కౌగిలిని వదిలించుకోలేని వృద్ధ హేమంతం! బ్రతుకు ప్రయాణాన్ని ఒక్కో మజిలీ దాటుకొంటూ పసితనపు అమాయక స్మృతులనూ తొలియౌవనపు తొలకరి పులకరింతల గుర్తులనూ జీవన సహచరి రాగరంజిత కౌగిలింతలనూ కౌమార్య ఋతువుల్లో మెడకు పెనవేసుకున్న ఆత్మజుల ఆత్మీయ హస్తాల తామర తూండ్లనూ మధుమాసాల మనోహర సంగీతాలనూ శ్రావణ మేఘాల జల్లుల వనావల్లప్పల కేరింతలనూ అర్ధాంగి తనూ కలసి రాల్చుకొని, పరస్పరం తుడుచుకొన్న గ్రీష్మాతాపాల కన్నీళ్ళూ సింహావలోకనంగా సమీక్షించుకొంటూ జ్ఞాపకాల బుట్టను నెమ్మదిగా దించుకొంటూ- నిశ్చలమైపోయిన ప్రశాంత హేమంతం! ఒక్కో మధురస్మృతి ఒక్కో పండుటాకులా రాలుతూ అన్ని ఆకులూ రాలాక మోడువారిన [...]
పూర్తిగా చదవండి

ఆదిమ కాలంనాటి సరస్వతీ నది అవని మీద నేడు కనిపించదు అంతర్వాహిని అయిందనుకొని ఆత్మవంచన చేసుకొంటున్నాం. చెయ్యేరూ, గుండ్లకమ్మా, మూసీ లాంటి చిన్న చిన్న వంకవాగులన్నీ ఒకప్పుడిక్కడ ఏరుండేదని ఒండ్రు దిబ్బలతో సాక్ష్యం చెపుతున్నాయి. కృష్ణ కృశించి పోయింది. గోదావరి గోష్పాదమవుతున్నది. ‘విదారించు ఎదన్, వట్టి ఎడారి తమ్ముడూ’ అని కన్నీటి కైతలు రాయించుకుంది పెన్న. ఆగామి కాలంలొ అంగిలి తదుపుకోవడానికి నిజంగా దొరుకుతుందా నీటిచుక్క? జలగీతాలు రాస్తున్నారు కవులు జలయజ్ఞాలంటున్నారు ప్రభువులు జలబిందువును కాపాడుకోవడం వినా జనానికి వేరు దారి శూన్యం. నిర్మల పేయజలంలేని - నిర్జల లోకం రాబోతోందా? రాబోయే తరాలకోసం - జల సంరక్షణ అనివార్యం. రేపటి వసంతం కోసం - [...]
పూర్తిగా చదవండి

ఆమె ప్రకృతి తనకు ప్రసాదించిన మార్దవత్వాన్ని గాత్రంలోనే కాక, మనసంతా నింపుకొని నిన్ను ప్రేమగా లాలిస్తుంది. నీ వేదనలను తనవిగా అనువదించుకొని తన కవోష్ణశ్వాసల వీవనలతో నీ ముఖాన్ని వీచి సేదదీర్చి నిన్ను ఆపేక్షగా ఆశ్వాసిస్తుంది. నీ కళ్ళోని మోహాన్నంతా తన హ్రుదయంలోకి ఒంపుకొని తన సాంద్ర ఆనందానురాగానికి గర్భంలో రూపం ఏర్పరచి వత్సరాంత బహుమతిగా నీకు కానుక ఆందిస్తుంది. కుటుంబ జీవన సమరానికి తానే సేనానాయకి ఐనా నీ రక్షణకు తానే కత్తీ, డాలూ అయి నీ అంగరక్షకిగా తాను వెనకే ఒదిగుండి దళవాయిగా చరిత్రలో నిన్నేముందు నిలబెడుతుంది. వాలంటీన్సు రోజనీ, మహిళాదినోత్సవమనీ అప్పుడప్పుడూ ఆర్భాటం చేసే నిన్ను మూడొందల అరవై ఐదు రోజులూ తన మనసులో పొదుపుకొనే [...]
పూర్తిగా చదవండి

  తొలిపొద్దు తిరుగుబాటు  వెలుగుతూ ఆరుతూ అల్పకాంతితో వున్నదని హీనంగా చూడకు దాన్ని అది ఇవ్వాళ మిణుగురే కావచ్చు రేపు అదే అనంత కాంతి భాండంగా విస్ఫోటించవచ్చుశత సహస్ర కాంతి జ్వాలా శకలాలుగా వియత్తును విద్యుదీకరించవచ్చు దిక్కుల్ను వెలిగిస్తూ, చుక్కల్ని రగిలిస్తూ కళ్ళు మిరుమిట్లు గొలిపే వెలుతురు జలపాతంలా దూకవచ్చునల్లని చిన్ని విత్తనమే కదా అని ఛీత్కారంతో చిదిమేయకు దాన్ని గొయ్యితీసి పాతిపెట్టి చిన్ని విత్తును ఛిన్నాభిన్నం చేశానని విర్రవీగకురేపదే మహావృక్షపు మందుపాతరై పేల్తుంది నేలలోకి వేళ్ళానూ, ఆశాతీరాల్లోకి శాఖలనూ విస్తరించి నీ అల్పత్వానికి ఆకాశమెత్తు సాక్ష్యమవుతుంది దూరాకాశంలో అరచెయంత కుడా లేని నల్లని మరకను చూసి అదేందిలే అని అలుసు ప్రదర్శించకు ఒక చల్లని [...]
పూర్తిగా చదవండి